Thursday, 29 June 2017

SEO tips/tutorial in hindi

SEO tips/tutorial in hindi :



Internet ke prarambh me websites bahut kam the. Jaise jaise samay pasar hota gaya website ki sankhya badhti gayi. Aaj lakho website hai jo kai tarah ke products aur services offer karte hai. Agar aap google me kisi ek product ka search karenge to pehle page se leke shuru hoga aur 100 se bhi jyada pages honge. Jo koi bhi search karta hai us me itni dheeraj nahin hoti hai ki aakhir ke search pages b dekhe.Jo pehle ke search pages vahin par voh dekh leta hai aur diye gaye link par click karta hai. Aisa kyon hai ki kai company ke naam aur link pehle ke pages par hai? Is ke peeche hai SEO yaane ki search engine optimization. Google aur doosre search engines jaise ki Yahoo, Bing, MSN, AOL, Ask aur dogpile.com ne kai aise niyam banaye hai jis ke dwara voh websites ki tulna karte hai. Agar website un ke niyam ke anusar hote hai to search result me un ka sthan pehle aata hai. Aaj kal ke zamane me “visibility” bahut important hai aur vohi website search me aage aate hai jo search engine optimized hai.







Search engines kis bat par dhyan dete hai?
Search engines, jaise ki Google, kai aise bato ko dhyan me rakhta hai jab voh ranking karta hai aap ke website ko. SEO kya hai yeh neeche bataya gaya hai:

Site ka structure aur navigation
Site ka loading speed
Site ka content
Site me upyog kiye gaye keywords, title, headings or meta tags
Images ka loading speed aur video ka loading speed
Hyperlinking, toote hue links
Backlinks
URL
SEO ki avashyakta







Sirf website bana ke upload karne se traffic nahin milega. Agar aap ka business website hai to seedhi si bat hai ki traffic tab milega jab aap ka site search engines ke shuru ke pages par dikhai dega. Shuru ke pages par tab dikhai dega jab aap ka site search engine optimized ho. Aisa hone par vohi log aap ke site ko dhoondenge aur visit karenge jin ko aap ke products me ruchi hai.

SEO dwara website pe traffic kaise badhaya jaaye?
SEO ke do bhaag hai.

Onsite SEO (On-page SEO). Is me aap ko aap ka site Google aur anya search engines ke algorithms ko anusarit karna hoga. Is me hai shaamil aap ke website ka navigation structure, links, content, images, layout, keywords ka upyog aur page load times.
Offsite SEO (Off-page SEO) .Is me hai anya activities jin ke jariye backlinks create hote hai. Search engines backlinks ko importance deta hai isiliye aap ko aise activities karna hoga jis se backlinks create ho aur aap ka ranking badhe.
In dono points par aap ko dhyan dena hai aur aap ke website SEO optimize karna hai. Ab aage padhiye SEO se traffic kaise badhaye tips in Hindi.

Onsite SEO (On-page SEO)

Agar aap ne khud aap ka website design kiya hai to in bato par khaas dhyan de:
User drishtikon se dekhe ki aap ke website ka navigation structure kaise hai. Kya aap ek page par se doosre page par aasaani se jaa sakte hai aur us page par jaane ke baad aur koi page ya home page par return kar sakte hai? Logical aur intuitive navigation structure banaye.
Content: Google content ko website ka mahatvapoorna hissa maanta hai. Aap ke website me content aisa hone chahiye jo informational ho aur interesting ho jis se visitors baar baar aap ke website ko visit kare aur aap ka achcha impression bane.
Hamesha naya content likhte rahiye kyonki Google check karta rehta hai ki aap ke site ka content kitna fresh hai.




Keywords:  Pehle Google par aap ke product ke baare me keywords daal ke dekhiye to search results me aap ko popular keywords dikhenge. In keywords ko aap aapke content me shaamil kare. Short keywords aur longtail keywords ka prayog kare.
Image use kare aur ise optimize kare aur image ka description bhi likhe “alt” text ke jariye.
Websites me aap apne facebook, Linkedin, Pinterest aur doosre social media ke links rakhe.
Header, title, description: HTML code me header, title aur description avashya likhe.
Finally, aap ko aap ke site ka sitemap banana hoga aur baad me ise google webmaster me submit karna hoga.


SEO me aage badhne se pehle upar bataye gaye onsite SEO bato ko implement kare aur baadme hi aage badhe.







Offsite SEO (Off-page SEO)

Ab aap ko offsite seo karna hai.
Offsite SEO bahut hi vistrut hai aur is me time aur mehnat lagta hai. Magar aap ke mehnat ka fal jaroor milega kyonki onsite SEO aur offsite SEO se traffic badhta jayega.
Site submissions
Google aur doosre search engines par aap ke site ko submit kare. Saath me online directories, classifieds aur yellow pages me bhi aap ke site ko submit kare. Aap ke blogs ko bhi search engines me submit kare.

Backlinking

Offsite SEO me aap ko backlinks create karna hai alag alag tarike se

Articles

SEO dwara website par traffic badhane ke liye aap ko lekh likhne honge un products ya topics par jo aap ke website ke products se sambandhit hai. In articles me aap uchit SEO keywords ke istemal kare aur yeh articles alag alag article posting sites par post kare aur aap ke website ka link bhi neeche likhe. Theek isi tarah PR likhe aur PR sites par post kare taaki aap ko back link mile.

Blog post

Kai aise free blogging sites hai jahan par aap apna khata khole aur aap ke website me jo products hai un par interesting post like jo padhne vaalo ke liye upyogi ho. In blogs me post ke neeche aap ke website ka link jaroor rakhe. Agar 1000 word blog post likhe to behtar hai aur aap topics me positive advice bhi de sakte hai aur negative bhi aur comparison bhi.
Theek isi tarah doore logo ke banaye blog sites par aap guest yaane visitor ki tarah visit kare aur comments likhe jis me aap ke website ka link shaamil ho. Blogging SEO backlinks ke liye ek achcha tool hai.
Aise hi aap alag forums par register ho ke apne comments likhte rahiye. Yaad rahe ki backlinks aur visibility ke liye blog me hi aap ko har week ek ya do post to jaroor hone chahiye.
Blog posts me aap images use kare aur infographics bhi rakhe kyonki aajkal Google infographics ko importance deta hai.
Blogs me bhi aap social media share buttons rakhe.
Important: Koi bhi content post kare to us me keywords ka upyog karna jaroori hai SEO ke drishtikon se.







Social media



Facebook me har koi shaamil hai. Aap bhi apna personal facebook page banaye aur business page bhi banaye aur is me logo ko invite kare, ache content post kare aur dhyan me rakhe ki aap ke website ka reference post ke neeche likhte rahiye. Yahan par aap jitna mehnat karenge utna lambe time me SEO traffic badhne ki sambhavna hai aur is me time aur mehnat ke siva aur koi kharch nahin hai. Facebook ki tarah twitter, linkedin, myspace aur aise doosre social networking sites par bhi aap ki haazri banaye aur promote karte rahiye.


Youtube, Pinterest, Instagram, Vimeo
Google video aur images ko bhi importance deta hai aap ke website ko seo ranking karne ke liye. Youtube me koi bhi interesting, aap ke website related product sambandhit video upload kare jaise ki instructional video ya informative video. Isi tarah pinterest aur doosre photo sites par photographs rakhe.





Yeh hai organic SEO ke kai marg. Organic SEO voh hai jis me aap paise kharch nahin karte hai magar Google ke algorithms se anusar rehte hue aise backlinks banate hai ki traffic dheeme dheeme badhta jaayega aur ek saal me aap ka achcha aise SEO ranking hoga.


SEO me aur bhi bahut kuch hai. Pehle aap shuruaat kare aur jaise jaise aap ko anubhav hota jaayega aap google analytics ke jariye jaanenge ki aap ka activity kitna safal hota hai aur aage aap ko kin bato aur activity par focus karna hai jis se website par targeted traffic badhta jaaye.

No comments:

Spinner

Sppinner